मिति १७ जेठ २०८२, शनिवार तानसेन गुठीले आयोजना गरेको मनमोहन पार्क, लाकुरी भञ्ज्याङ हाइक सफलतापूर्वक सम्पन्न भएको छ। हाइकमा २१ जना सहभागी हुनु भएको थियो। बिहान ठीक ७ बजे लामाटार बस स्टपमा भेला भई हामीले आफ्नो यात्रा सुरु गर्यौं। बिहान ११:३० बजे मनमोहन पार्कमा पुगेर केही समय विश्राम गर्यौं। त्यसपछि खाना खान नजिकैको होटलतर्फ लाग्यौं। खाना खाएर दिउँसो १:३० बजे फर्कने यात्रा सुरु भयो। अन्ततः दिउँसो ४ बजे हामी लामाटार बस स्टपमा पुनः फर्कियौं – थकाइ थियो, तर त्योभन्दा बढी सन्तोष र आनन्दको अनुभव।

हरियालीले ढाकिएको जंगल, मनमोहक दृश्यहरू, मनमोहन पार्कको शान्त वातावरण र सहभागीहरूको उर्जा र उत्साहले यो यात्रा अविस्मरणीय बनायो । यस सफल यात्रामा सहभागिता जनाउनु हुने सबैमा हार्दिक धन्यवाद! 🙏

विशेष गरी हाइकको नेतृत्व गर्नु भएका गोविन्द बजगाईज्यूलाई धन्यवाद र आभार। सहभागीहरूको उत्साह, सकारात्मक ऊर्जा र सक्रिय सहभागिताले यो हाइक अझ स्मरणीय बनायो।